Voi construite un palaciu de pallabres...

...y agora entames tu, cuasi que vieyu,
nuna ciudá tan culta como uviéu
(había date vergoña pol to fíu)
a facer alcordanza de to vida,
de los perguapos nomes que les coses
tuvieron n´otra edá, cuando creyíes
que bautizar el mundu yera cuasi como tenelu.

¿qué diríen tos pas si
t´oyeren falar munchu peor qu´ellos depués
de tantos llibros?
ye posible que t´echaren de casa...

mentres mires
nes paxines marielles los hoteles
fai como que nun oyes les risaes
de los fios o nietos qu´arrenieguen
de les pallabres familiares: probes
estranxeros na patria
tan llistos y decentes.

[ lo que fai la i.n.o.r.a.n.c.i.a ]

buen día de la "hispanidá" pa toos...

una oveya negra,
una flor na sebe...