Alministra'l to Fotolog

¡Crea'l to Fotolog yá! Fácil y de baldre

Diapositivas

Ver Mapa

  • carrocescarroces

    ye metese dientro d´ella.
    ye´l notar qu´anque nun salga too bien;
    ehi tamos nos tirando per ello.
    durante dos kilómetros pasen 2 meses de trabayu,
    dos meses de rises, de riñes,
    dos meses de tradición.
    ye lo que mos cura,
    lo que fai que sigamos,
    lo que fai que lo ficieran,
    eso que vien per dientro ya impulsa
    pasar tardes de branu pa una tarde de ser lo mas grande
    pa ser los que lluchamos por nun escaer lo nueso,
    pol relevu de la hestoria.
    qu´enxamás apare.


    |
  • cercaníes.cercaníes.

    ·

    orbayaba,
    cayía del cielu faciendo l´escenariu
    más fríu
    más solu,
    más murniu.
    yo sentáreme
    nun bancu d´un ande dos
    de dalguna estación
    de cercaníes.
    sintía´l calor nos güesos,
    el fríu,
    y l´agua
    que moyare cada una de les travieses
    de la vía
    na que, en dalgún momentu
    pasare un tren ensin destín

    .


    |
  • s.xs.x

    quixi respirar na nueche
    na que´l mar moyare los mios pies;
    quixi volveme bohemia .
    saque-y semeyes al infinitu,
    al atapecer del sol
    lloñe de la sablera.
    quixi guardar nel fueu inmensu d´aquella foguera,
    cachinos de memoria encesa.
    quixi querer quereme antes que a naide;
    pero inda nun puedo.


    |
  • rUVIEurUVIEu

    creyí que ya taba equí de vuelta.
    pero non.
    enquivoqueme.
    sigo viendo los pelos de punta ca vez que m´alcuerdo
    del trecer gol. del GOL.
    del gol que pudo ser y nun foi.
    y más alcordances lleguen a min,
    de cuando yera más guaja, y xugaba gamboa,
    y pompei
    y yo vía aquellos xugadores tres d´una valla alta.
    muy alta d´aquella pa min.
    pero ellí taba domingu tres domingu.
    pudiera decir qu´elli crecí viendo sudar una camiseta que dalguens vegaes yera sentía.
    crecí con ello. vi madriles y barcelones,
    vi tuilles y caudales.
    vi llárimes de ventimil persones que a estes altures casi nun entienden de fúbol...

    namái que de sentimientos.
    y equí tamos,naguando que too vuelva entamar,
    desfayecíos, como quien xuega en baldre,
    como quién llucha ensin llograr nada.
    pero como quien llucha y nunca se rinde
    enxamás,
    hasta que llogra llegar a lo más alto.


    |
  • r.U.r.U.

    pense que diba tar peor,
    que diba llorar como fai ocho dís,
    que diba cabreame y rabiar,
    pero non.
    esta vez cayome l´alma embaxo,
    llevánteme y grité:
    ¡o-vie-do!

    porque nunca voi dexar morrer esto.
    inda mos queda voz pa glayar bien alto


    |
  • esto.esto.

    odio en forma les conversaciones nes que nun se fala realmente lo que se quier,
    neses que nunca naide cuenta nada,
    neses que hai muncho que cuntar.
    odio les non-conversaciones.
    odio mui muncho tener que interpretar silencios,
    miraes que nun miren con los güeyos de siempres,
    miraes d´eses que manden callar,
    d´eses que muerren por glayar.
    sonrises que ya nun entiendo.

    d´eses ó d´éstes.


    |
  • lleerlleer

    tengo pensao tener una tarde d´eses nes que pues lleer tranquilamente porque inda nun tiens priesa pa na,
    na más que pudiere pillate l´agua cuando dibes pela Reverencia,
    camín de Puñide, o nel bancu la fuente,
    dempues de tropezate con paisanes que piensesn qu´eso ye la ruta´l coresterol,
    y mirente, y miren el llibru con cara de: esta güaja ye un poco rara...

    pensandolo meyor, igual m´echo nel bancu de debaxo´l rosal de casapa poder mandálos a toos a ...otra ruta.


    |
  • nadanada

    anque quiera pintar de mil collores
    les tos pallabres,
    los tos xestos,
    los tos gueyos,
    -perdíos nel vacíud´un millar de xente-
    ó namás que´l silenciu
    de tanto qu´esperes...
    y nun ye.

    too sigue blanco&prieto
    enfríando el mariellu de´l sol que a malpenes m´alluma.


    |
  • soriisorii

    murnia ilusión que s´escuende tres al to sorrisa.
    pensamientu inacabáu.
    foi impresión,
    foi idea,
    ye impresión ...de reflesión.sí.
    gústame más la primera sí, otra vegada más.
    porfavor.que seya hábitu-esperiencia.

    rii. sabes que me gusta.


    |
  • llueve.llueve.

    llueve.
    y a mi dixeronme que si llueve nun val llorar.
    anque yo ya nun llore casi que na.
    pero llueve,
    y l´agua chisca y empuerca,
    cosa que les llárimes non,
    pero eses nun valen.
    yo quiero namás que´l orbayu que tanto mueya,
    me cale hasta los güesos,
    y llimpie l´aire.
    y respires.
    y respire.
    y si quier, que mos dexe ensin aliendu.
    calor y humedá de lo qu´empaña cristales


    |
  • dieci9dieci9

    nun me disti nin tiempu.
    nunca nun tuvi momentu pa date les felicidaes.
    fuxisti de equi al lláu ,
    sele,
    ensin meter ruíu;
    y yo,
    nun me podía dar nin cuenta,
    y güei,
    dempués de diecisiete diecinueves de marzu
    voi dexar un requexu pa

    por quereme.


    |
  • cristaleracristalera

    rellumaba na cristalera´l sol encesu de detarde,
    reflexabase n´ella tol monte, quiciabes tamién l´aire
    que inda movía ensin gana los ocalitos que se mudaren pa ellí cuantayá.
    dientro guárdase´l calor de los dís de vida,
    guardábase l´alcordanza de los dís de agua.
    fuera sintíase´l fríu de pensar que naide atopa esi calor
    que naide se abelluga tres de la cristalera del agua,
    que naide mira tres de los güeyos prietos onde escurucaba cuantaya un neñu que dio por perdía la tierra


    |
  • cuando...cuando...

    Como cambio too,casi qu´echo de menos pasar más tiempu en mio casa.Estos dís sintía como la necesidá de ser la guah.a aquella que rebalgaba penrriba los pinchos de la portiella baxo amenaces de muerte -máncate, qu´enrriba llévesles-,la silvia que se sentaba na piedra mármol d´al pie la cocina viendo como -bien lloñe- se diben prendiendo les lluces d´Uviéu; aquella que se llevantaba ceo y ayudaba no que pudiere y ficiere falta.
    Ya nun ye la mesma, escurecio-y´l pelo, creció, y pasa en casa menos tiempu del que quixera.
    Quiciabes nun cambiare´l mou de ver tres d´eses cortines que ya bordare so güela cuantayá, pero ye otra que ta enllena del vacíu d´aquellos tiempos ente vaques y balones de reglamentu.

    siempre tuvi´l defeutu de tene-y apegu a les pequeñes coses


    |
  • la estaciónla estación

    ·

    vilo zarrase,
    too morría.
    namái que una lluz de sol de xineru
    rellumaba nes travieses de les víes,
    nos cristales frañíos pol tiempu,
    nes cerradures vencíes pol ferruñu.
    vilo zarrase
    ya nunca nun volvió abrise.
    ya nunca nun hubo más vida


    |
  • recreo.xpgrecreo.xpg

    tenemos pasaes tantes hores dientro d´esi metru cuadráu que cuasi se me facía dificil nun dedica-y un espaciu.
    dempués d´esta fin de selama tan recreística nun yera pa menos...

    recreorecreorecreorecreorecreandorecreo


    |
  • t[u`]t[u`]

    diría pela estrella mas llonxana pa que me allumare n´eses noche nes que pienso que tola fin, pasó nel mesmu segundu que un home dispara un bala al enemigu,
    si...neso me volví yo, na enemiga del alma qu´escaecisti, que yo intento y nun consigo, de milenta segundos al borde la llocura, de rise odiandote y queriendo, tan cerque, col calor que agora ye friu, col coral qu´impulsa la mena de falate de mirate de besate...too finare cuantayá n´aquel besu col que t´enllenares la boca de maravilles que nin tú podíes creyete.


    |
  • tantu galán, tanta fonte...tantu galán, tanta fonte...

    [vas por agua, vas por agua
    a la fonte de l´aurora
    y el galán que t´enamora
    esperándote elli ta...

    cuente qu´alborcer
    cuando duerme la quintana
    el galán de to querer
    quier baillar con una xana

    rosa temprana
    dime si yes tu
    la amante xana]*


    |
  • pienso, llueu...pienso, llueu...

    tengo riome tantes vegaes de min , que ya perdí la cuenta.
    Agora tiendo más a preocupame, a dame cuenta que ríxome poles pasiones que m´enllenen, nun se facer nada que nun me llame, que nun me pruya.Quiciabes yera bono tener esi daque que te motive pa facer d´elles coses, pero tamién hai otres que deben facese ensin querer...y equi toi yo, discutieno cola parte endemoniada que ta a ún llau de la tiesta, riendose. Yo digoi que quiciás un poco de rutina seya bueno pa saber llevar l ´iviernu,pero nun se si acabará convenciendome y sedré namái que la "yo pasional".

    preocúpame.
    si, creyo que necesito dalgo de rutina.


    |
  • 24payares24payares

    ·prúyenos un pueblu llibre que nome cola so voz.

    ellí tábemos otra seronda más,
    glayando polos drechos;
    esos que nun mos quieren dar;
    pero ellí tabemos,
    escontra´l agua,
    escontra´l fríu,
    escontra lo que mos pusieren delantre,
    nuna sola voz:

    l´asturianu llingua oficial


    |
  • ayeri ...y güeiayeri ...y güei

    · hai delles veces que m´entren alcordances na tiesta;
    nueches nes que lo pásamamos tan bien,
    díes ensin parar de reir,
    tristures nes que nos ayudabemos,
    combatir contra´l mundiu a cada vegada...

    el d.e.s.t.í.n dixo que fuere asina,
    y equi me dexó a otres persones,
    les mas importantes de la mio vida;
    [elles saben quien son...]
    por estes si que pondría les manes nel fueu,
    y quiero seguir despertando viendo los cristales empañaos,
    d´esos valores que nosotres sabémos.

    por si nunca vos lo dixi tan en serio,
    quiérovos.


    |
<< >>